എപ്പൊഴും ഗുരുവായൂരെത്തേണമെന്ന്...

എപ്പൊഴും ഗുരുവായൂരെത്തേണമെന്ന്...

അമ്പാടിക്കണ്ണനെ കണ്ടു തൊഴാൻ

അമ്പലപ്പുഴയിലൊരുണ്ണിയുണ്ട്‌

എങ്കിലുമെന്നന്തരംഗത്തിൽ ഉയരുന്നു

എപ്പൊഴും ഗുരുവായൂരെത്തേണമെന്ന്

അമ്പാടിക്കണ്ണനു വെണ്ണയൂട്ടാനായി

അമ്പലപ്പുഴയിലെത്താറുമുണ്ട്‌

എങ്കിലുമെന്നന്തരംഗത്തിൽ ഉയരുന്നു

എപ്പൊഴും ഗുരുവായൂരെത്തേണമെന്ന്

അർജുന സാരഥിയായി വിളങ്ങീടുന്ന

ആറന്മുളയപ്പ,നുണ്ടെന്നടുത്ത്‌

എങ്കിലുമെന്നന്തരംഗത്തിൽ ഉയരുന്നു

എപ്പൊഴും ഗുരുവായൂരെത്തേണമെന്ന്

ആരവത്തോടെ നതോന്നതയിൽപ്പാടി

ആറന്മുളേശനെ വണങ്ങാറുണ്ട്‌

എങ്കിലുമെന്നന്തരംഗത്തിൽ ഉയരുന്നു

എപ്പൊഴും ഗുരുവായൂരെത്തേണമെന്ന്

ആളൊത്തൊരുരൂപമാം ശ്രീവല്ലഭേശന്റെ

അടി വണങ്ങീടാനെത്താറുമുണ്ട്‌

എങ്കിലുമെന്നന്തരംഗത്തിൽ ഉയരുന്നു

എപ്പോഴും ഗുരുവായൂരെത്തേണമെന്ന്

ആളറിയാതെ അടുത്തിരുന്നു, കഥകളി

ആസ്വദിക്കുന്ന ശ്രീ,വല്ലഭനുമുണ്ട്‌

എങ്കിലുമെന്നന്തരംഗത്തിൽ ഉയരുന്നു

എപ്പോഴും ഗുരുവായൂരെത്തേണമെന്ന്

ആശയടക്കുവാൻ ഗുരുവായൂരെത്തിയാൽ

ആവേശമാണങ്ങു നിന്നുതൊഴാൻ

എങ്കിലുമെന്നന്തരംഗത്തിൽ ഉയരുന്നു

എന്നെപ്പോലല്ലയോ എല്ലാരുമെന്ന്

 - കലാവല്ലഭൻ

......................................................